Botunuzu Azərbaycan dilində necə düzgün öyrədirsiniz?

Azərbaycan dili bot üçün niyə çətindir

Müştərilər yazışmada ədəbi dildən istifadə etmir. Şəkilçilər qısaldılır, sözlər səhv yazılır, cümlələr yarımçıq qalır. Üstəlik latın və kiril qarışığı, ingilis sözləri və şivə fərqləri də əlavə olunur.

• «Neçəyə?», «neçedi», «qiymet ne qeder» — eyni sual, üç fərqli yazılış
• Ə/e, ı/i, ş/s əvəzlənmələri klaviatura səbəbindən çox yayılıb
• Bir cümlədə iki dil: «bu məhsul available-dır?»

Bilik bazasını necə hazırlamalı

1. 1Real yazışmalardan başlayınUydurma suallar yazmayın. Son ayların həqiqi mesajlarını çıxarın — dil orada göründüyü kimidir.
2. 2Cavabları qısa yazınUzun mətn müştərini yormur, amma botun səhv hissəni seçmə ehtimalını artırır. Hər cavab bir mövzuya aid olsun.
3. 3Eyni sualın variantlarını əlavə edinBir sualı üç-dörd cür yazılışda daxil etmək, botun tanıma dəqiqliyini ciddi artırır.
4. 4Nə bilmədiyini müəyyən edinBot cavabı bilmirsə, uydurmamalıdır. «Dəqiqləşdirib qayıdaq» cavabı və operatora keçid daha yaxşıdır.

Ən çox rast gəlinən səhvlər

• Bütün məlumatı bir uzun mətndə yığmaq — bot lazımi hissəni tapa bilmir
• Rəsmi dildə cavab yazmaq, müştəri isə sadə danışır — ton uyğunsuzluğu yaranır
• Qiymət və şərtləri bilik bazasında saxlayıb yeniləməyi unutmaq
• Botu yalnız bir nəfərin sınaması — o adam sualları «düzgün» yazır

Test və təkmilləşdirmə

Bilik bazası bir dəfə yazılıb bitmir. Ən faydalı iş — həftədə bir dəfə botun cavab verə bilmədiyi sualları oxumaq və bazanı ona görə genişləndirməkdir.