Question 1

Vexvon nədir?

Accepted Answer

Vexvon Azərbaycan mərkəzli süni intellekt platformasıdır. İki işi görür: müştərilərinizlə yazışır (Instagram, WhatsApp, Telegram, Facebook, TikTok və saytınız) və telefonla danışır (gələn zəngləri cavablandırır, siyahı üzrə özü zəng edir). Hər iki tərəfin nəticəsi eyni panelə və eyni CRM-ə düşür.

Question 2

Hansı kanallarda işləyir?

Accepted Answer

Telefon zəngləri, Instagram (DM, şərh, story cavabı), WhatsApp (Business API və ya QR ilə öz nömrəniz), Telegram, Facebook Messenger və səhifə şərhləri, TikTok (DM və şərh) və saytınızdakı söhbət pəncərəsi. Hamısı tək gələnlər qutusundan idarə olunur.

Question 3

Azərbaycan dilində danışır və yazır?

Accepted Answer

Bəli. Azərbaycan dili tam dəstəklənir. Bot müştərinin hansı dildə yazdığını özü müəyyən edir və cavabı həmin dildə verir — rus, ingilis, türk və digər dillər daxil olmaqla. İstəsəniz botun cavab verəcəyi dilləri məhdudlaşdıra da bilərsiniz.

Question 4

Kimlər üçün uyğundur?

Accepted Answer

Gündə onlarla və ya yüzlərlə müraciət alan hər biznes üçün: e-ticarət, klinika və gözəllik mərkəzləri, daşınmaz əmlak, təhsil kursları, bank və sığorta, restoran və xidmət sektoru. Müraciətlərin çoxu təkrarlanan suallardırsa, qazanc dərhal görünür.

Question 5

Qiymət necə hesablanır?

Accepted Answer

Qiymət istifadə etdiyiniz modullardan (yazışma, zəng), zəng həcmindən və kanal sayından asılıdır. Demo görüşündə sizin real həcminizə uyğun konkret təklif hazırlanır.

Question 6

Bot necə öyrədilir?

Accepted Answer

Dörd mənbədən: saytınızın səhifələri avtomatik oxunur, PDF sənədləriniz yüklənir, məhsul kataloqunuz (qiymət, stok, ölçü və rəng variasiyaları ilə) əlavə olunur və tez-tez verilən suallar daxil edilir. Instagram üzərindən satırsınızsa, keçmiş yazışmalarınızdan da sual-cavab bazası çıxarıla bilər.

Question 7

Bot uydura bilər?

Accepted Answer

Cavab sizin yüklədiyiniz məlumatdan qurulur, ümumi internet biliyindən yox. Uyğun məlumat tapılmasa, bot uydurmaq əvəzinə nəzakətlə söhbəti davam etdirir və ya operatora ötürür. Hər cavabda hansı bilik parçasından istifadə edildiyi qeydə alınır — yəni «bunu haradan götürdü?» sualının cavabı var.

Question 8

Səsli mesaj və şəkil anlayırmı?

Accepted Answer

Bəli. Səsli mesaj mətnə çevrilir və cavablandırılır; Instagram-da cavab özü də səslə göndərilə bilər. Göndərilən şəkil oxunur, üzərindəki yazı çıxarılır və məhsul kataloqunuzla tutuşdurulur — müştəri məhsulun şəklini göndərəndə bot onu tanıya bilir. Instagram-da reel və story məzmunu da nəzərə alınır.

Question 9

Bot bizim öz sistemimizdən məlumat gətirə bilər?

Accepted Answer

Bəli. Öz API-nizi bağlaya bilərsiniz. Müştəri «sifarişim harada?» soruşduqda bot cavabı hazır mətndən yox, sizin sisteminizdən canlı gətirir. Hansı sualda hansı sistemə müraciət edəcəyini özü müəyyən edir.

Question 10

Məlumat dəyişəndə botu yenidən öyrətmək lazımdır?

Accepted Answer

Xeyr. Bilik bazasındakı mətni və ya qiyməti yeniləyirsiniz — bot elə həmin andan yeni məlumatla danışır. Kontekstləri silmədən müvəqqəti söndürmək də mümkündür.

Question 11

Lead-lər hara düşür?

Accepted Answer

İki yerə. Bütün lead-lər, yazışmalar və zəng nəticələri veb paneldəki CRM-də toplanır. Bundan əlavə satış meneceri lead-i Telegram-dan idarə edə bilir: bildiriş gəlir, düymə ilə lead-i öz üzərinə götürür, zəng nəticəsini işarələyir və xatırlatma qurur. Telegram-da edilən hər hərəkət elə həmin an paneldəki CRM-ə yazılır.

Question 12

Nömrə necə tanınır?

Accepted Answer

Nömrə mesajın içində necə yazılırsa yazılsın — beynəlxalq formatda, boşluqlarla, «wp» kimi prefikslə — tanınır. Şirkətin öz nömrələri lead sayılmır. İstəsəniz əlavə filtr açırsınız: AI yoxlayır ki, bu, real alıcı marağıdırmı, yoxsa əlaqəsiz mesaj — və yalnız keyfiyyətli lead yaradılır.

Question 13

Eyni müştəri iki dəfə yazsa nə olur?

Accepted Answer

Eyni nömrə əvvəl gəlibsə, sistem bunu dublikat kimi tanıyır və köhnə qeydlə əlaqələndirir. Menecer müştərinin bütün keçmiş müraciətlərini bir tarixçədə görür.

Question 14

Lead-lər menecerlər arasında necə bölünür?

Accepted Answer

Dörd rejimdən birini seçirsiniz: əl ilə, növbə ilə (round-robin), kanala görə və ya menecerin mövcud yükünə görə. Hər lead-in kimə keçdiyi və nə vaxt işləndiyi qeydə alınır.

Question 15

Mövcud müştəri bazamızı köçürə bilərik?

Accepted Answer

Bəli. CSV faylı ilə kütləvi müştəri yükləməsi var — ad, telefon, email. Yükləmə zamanı telefon üzrə dublikatlar yoxlanılır.

Question 16

Mövcud telefon nömrəmizi saxlaya bilərik?

Accepted Answer

Bəli. Vexvon mövcud SIP trunk, IP PBX və ya operator xəttinin üstündə işləyir. Müştərinin tanıdığı nömrə eyni qalır, dəyişən yalnız zəngi kimin götürməsidir.

Question 17

Zəng zamanı hansı məlumat qeydə alınır?

Accepted Answer

Danışığın mətni (transkript), səs yazısı, bir cümləlik xülasə və ssenaridə təyin etdiyiniz sahələr — ad, tarix, məhsul marağı və s. Bunlar müştəri kartına yazılır, 10 dəqiqəlik zəngi dinləməyə ehtiyac qalmır.

Question 18

Soyuq bazaya kütləvi zəng edə bilərik?

Accepted Answer

Bəli. CRM-də filtr qurursunuz («son 7 gündür əlaqə yoxdur», «status = yeni lead»), sistem neçə nəfərə çatacağını əvvəlcədən göstərir, sonra zənglər başlayır. Bir kampaniyada 5000-ə qədər nömrə ola bilər; kampaniyanı istənilən an dayandırıb davam etdirmək mümkündür.

Question 19

Müştəri onun süni intellektlə danışdığını başa düşür?

Accepted Answer

Agent özünü şirkətinizin nümayəndəsi kimi təqdim edir və soruşulduqda süni intellekt olduğunu gizlətmir. Təqdimat mətnini və bunun necə deyiləcəyini ssenaridə siz təyin edirsiniz.

Question 20

Operator nəzarəti necə işləyir?

Accepted Answer

Söhbətləri paneldən canlı izləyirsiniz. Söhbətə təyin etdiyiniz stop sözünü yazsanız bot bir müddət susur; botu həmin söhbət üçün tamamilə də söndürə bilərsiniz. Instagram-dan birbaşa özünüz yazsanız, sistem bunu işçi mesajı kimi tanıyır və bot qarışmır. Müştəri operator istəyəndə isə komandanıza söhbətin linki ilə bildiriş gedir.

Question 21

Texniki bilik tələb olunur?

Accepted Answer

Xeyr. Kanalların qoşulması, bilik bazasının qurulması və ssenarilərin yazılması bizim tərəfimizdən aparılır. Sizdən yalnız mövcud materialınız və hesablarınıza bir dəfəlik icazə tələb olunur.

Question 22

İş saatından kənarda nə baş verir?

Accepted Answer

İş qrafikinizi təyin edirsiniz. Bot 24/7 cavab verir, amma məsələn müştəri iş saatından kənarda nömrəsini paylaşanda ona sizin yazdığınız mesaj gedir — «sabah saat 09:00-da sizinlə əlaqə saxlanılacaq» kimi.

Question 23

Müştəri cavab verməsə nə olur?

Accepted Answer

Bot söhbətin cavab gözlədiyini müəyyən edərsə, bir müddət sonra avtomatik xatırlatma göndərir. Gecə saatlarına düşən xatırlatma səhərə keçirilir. Müştəri bu arada nömrəsini versə, xatırlatma ləğv olunur.

Question 24

Bir neçə hesabı və ya brendi eyni yerdən idarə edə bilərik?

Accepted Answer

Bəli. Bir şirkət bir neçə kanal hesabı bağlaya bilər, hər hesab üçün ayrıca ton və ayarlar təyin oluna bilir. Agentlik və çoxbrendli struktur üçün valideyn-övlad şirkət modeli var.

Question 25

Müştəri məlumatlarım necə qorunur?

Accepted Answer

Məlumatlar yalnız sizin üçün xidmətin işləməsi məqsədilə istifadə olunur, üçüncü tərəflərə satılmır. Ötürülmə şifrələnmiş kanal üzərindən gedir, sizin məlumatınız digər müştərilərin hesablarından ayrı saxlanılır, giriş hüquqları isə istifadəçi səviyyəsində idarə olunur. Ətraflı izah Məlumat təhlükəsizliyi səhifəsindədir.

Question 26

Instagram və WhatsApp inteqrasiyası hesabıma zərər verirmi?

Accepted Answer

Xeyr. Instagram və Facebook rəsmi Meta Business API vasitəsilə qoşulur, WhatsApp üçün isə rəsmi Business API mövcuddur. Kiçik bizneslər üçün öz nömrəsini QR ilə qoşma yolu da var — hansının sizə uyğun olduğunu birlikdə seçirik.

Question 27

Əməkdaşlığı dayandırsaq məlumatlar nə olur?

Accepted Answer

Məlumatlarınızı ixrac edirsiniz, sonra razılaşdırılmış müddət ərzində sistemdən silinir və silinmənin təsdiqini yazılı alırsınız.

Suallarınız var? Cavablar burada.

Tez-tez verilən suallar

Cavab tapmadınız?

Sualınızı birbaşa verin

Sizə necə yardımçı ola bilərik?